DABA CEM Intermediate III Evangelistic Camp agi

Dimapur, September 12 (TYO) : September 9-11, 2016 tashi Life Spring Corner, Dimapur, nung Dimapur Ao Baptist Arogo Christian Education Ministry ajanga Intermediate III tanurtem atema Evangelistic Camp ka ayongzüka agiogo.
Iba sentong ya ‘Unchained’ Titus 2:14 nung ajemdaker agi aser tongti o jembirji Miss. Moasenla Aier liasü.
Iba Camp nung director ji Mr. Rongsenwati liasü aser Mrs. Arenla, Miss. Moashila, Mr. Moatemjen aser Mr. Joseph Lkr nungertemi counselor ama yaritep. Sentong nung tanur ajak agi parnok 119 den tesayurtem aden.