DABA Christian Edu. Ministry Khristmas Yongya sentong agi

Dimapur, Dec. 20 : December 20, 2015 nü Dimapur Ao Baptist Arogo nung Christian Education Ministry Khristmas Yongya sentong agidang tangokba noksa angur. Iba sentong nung tanurtemi shilem balala agiba ajanga Yisu Khrista asoba osang tajung sangdongba den külemi Khristmas nung pei taküm nung temelenshi bener arutsü atema tayongzükba agütsü. Iba sentong nungsa DABA CEM kübok fellowship balala tsüngda Annual Report tetoktepba nung takoker nem sempet agütsü. Takok angurtem- mezüngbuba jenjang nung Signal aser Yinsem fellowship, tanabuba jenjang nung Sümüdem fellowship aser tasembuba jenjang nung Merali fellowship.