DABA nung Basic Counselling Training agi

Basic Counselling Training First batch nung adenertem noksa nung angur.

Dimapur, October 23 (TYO): Dimapur Ao Baptist Arogo (DABA) ajanga achaayanga mezüngbuba Basic Counselling Training, October 10-19, 2016 tashi DABA nung agia liasü.
Iba training nung Dimapur area Ao Arogo ter nungi nübotem aden aser Arogotemji- Khanakhuru, Chumukedima, Diphupar ‘B’, Naga United, Aoyimti, Padumpukhuri, East Dimapur, Aoyimküm, Mangimen aser DABA nungi liasü.
Training nung shisalen sayurtemji Dr. N. Moa Imsong, Counsellor, DABA, Mr. I. Wati Longkümer, Home Evangelist, DABA, Ms. R. Asenla Jamir, CED, DABA, Mr. Kilang Longkümer, Lecturer, DBC aser Mr. Maong Jamir, Asst. Director, Prodigal Home nunger liasü. Iba den külemi anepdang shia sannüker balalai tekülem agia liasü.
Item training agitsü asoshi bendangleni ora rongsen aser nübu aika endoktsüsa akümer, saka tanü DABA ajanga iba ya Arogo telung nung ministry ka kümdakja, pei nisungi pei oshi nung tesayuba tejangja aser tarokba nung sayuba ajanga tajangzük tulu nguogo. Anogo ternü tashi rongsen, nübu, shisatsü, nüngdakba ajak angati agüja tadenertem temoatsü ngudaktsü nung, iba training nung adenertemi kanga pelaba lemsateper, ta tadenertem tenüng nung, Mr. Imtinüngsang, Aoyimti aser Mr. Moatemjen Jamir, Diphupar ‘B’ nati sangdong ka nung metetdaktsü.