DABA Youth Olympics 2016 Quarter Marathon kaogo

Dimapur, October 27 (TYO): Bodhbarnü Dimapur Ao Baptist Arogo (DABA) Youth Ministry ‘Youth Olympics’ 2016 tenzüka fellowship 8 nungi nisungtemi tejangraba tulu nung shilem agiogo.
‘Quarter Marathon’ ya DABA Complex nung tenzüka Nuton Bosti junction, Clock tower, Holy cross Junction, Dobinalla Junction, midland, DC Court Junction adena kilometer 8 shi asemer DABA complex nungsa  tembang. Iba marathon ya World of Titan-i present asü aser Oppo-i Co-sponsor süa nisung 217-i shilem telemsa ana- lanurtem aser arishi küm 40 ser temapur nung shilem agi.
Marathon nung shilem agir tanubutisangji arishi küm 14, Intenzuker, tanutsütilaji arishi küm 17 Merenkala aser tambutisangji arishi küm 53, Rev T Ariba Imchen liasü.
Quarter Marathon nung takoker teburtemji mezüngbuba jenjang nung Imtizulu (Town Fellowship), tanabuba jenjang nung Rongsen (Lungmen Fellowship) aser tasembuba jenjang nung Imlisunep (Signal Fellowship) liasü.
Tetsürtem rongnung mzeüngbuba jenjang nung Imtinaro (Yinsem Fellowship), tanabuba jenjang nung Imodangla (Signal Fellowship) aser  tasembuba jenjang nung Merenkala (Signal Fellowship) liasü.
Maneni Category 2 nung takok angurtemji 1st Sendangmeren (Duncan Fellowship), 2nd Talimeren (Duncan Fellowship) aser 3rd Temsu Jamir (Lungmen Fellowship) nunger liasü.
DABA Youth Olympics tongti asayatemji October 27 anepdang 8:00 ako nungi Government Higher Secondary School ground, Half Nagarjan nung tenzüktsü aser October 28 nü tembangtsü.
Item asaya rongnung football, volleyball, penalty shootout, athletics, pillow fight aser sobaliba saisapongtem cock fight, tug of war ama akatsü.