Dakar Rally mapang nisung 13 yiru

Buenos Aires, January 03 (Agencies): Argentina kübok Arrecifes yimti anasa ‘Rally Dakar 2016’ akadang China tsür Guo Meiling-i aniba gari agi repranga alirtem dak oa tsüokba mapang tanur pongu dena tajemba agi parnok nisung 13 shi yiru.
Arrecifes nung aliba firemen corps nung tekolakba, Miguel Sanchez-i, tanur pongu dena parnok ajak agi nisung 13 tashi Santa Francisca Romana hospital-i anir ogo, ta Honibarnü Xinhua news agency dang ashi.
Teyirur rongnung karbo zübu aika keta liasü aser karbo teret-a sükdangersa lir, ta Sanchez-i ashi.
Guo aser la den yaritepla na kecha meyiru ajisüaka tenaprong kanga aoksa.
Iba lendong tenük küli angur, Pablo-i, Guo-i ania aliba Mini Cooper ji rembanga meküpokli meyiptetli ta aiben asüdang repranga aliba telok dak oa tsüok, ta Argentina TV station C5N dang ashi.
Gari ji khula nunga masü saka lenten ka nung tsükok, ta pai shisem.