Dalai Lama-i NE semdanger; China-i magizüker

Guwahati, April 1 (TYO) : Honibarnü Dalai Lama Guwahati tonga aruogo aser pai anogo ananü Assam nung mungzükba sülen Arunachal Pradesh semdangtsü.
Tanü Lokapriya Gopinath Bordoloi International airport nung pa pela agizük.
Tibet nunger tamangba lenniri Arunachal Pradesh semdangba ajanga India aser China tsüngda ken o adoktsü imlar, kechiyong China-i Arunachal ya “South Tibet” ta züngshir.
Tanü Guwahati nung tayimtsü anendak atongba sülen Dalai Lama-i osangbener den jembidang, pai northeast semdangba ya tamangba yimsü putepshitsü atema dang lir, ta ashi.
1959 küm pa Tibet nungi jena arudang süiba tesem semdangba atema pa pelar aser tesüibatem menungra bilemteter, ta paisa ashi.
China-i Dalai Lama ya lendong aketba telungpur ka ta züngshir aser Hokolbarnü parnoki Dalai Lamai-i Arunachal semdangba magizüker ta metetdaktsüogo.