Dalai Lama-i US mesemdangtettsüsa akümer

Washington, September 26 (Agencies): Tibet nunger tanülar lenisang, Dalai Lama-i sentong renemba ama, taruba October ita US mesemdangtettsüsa akümba osang ka par otongdar, Tenzin Taklha-i metetdaktsüogo.
“Ozü lenisang, Lama-i pa temang tendangdaktsüba sülen doctor-i ajungshiba ama, ainlen mesenzütsü telemtetba agia, pai US semdangtsü sentongjia agientsüsa akümer,” ta Taklha-i osang jangjashitsü.
Doctor-i taoba mapang nung Nobel Peace sempet agizüksang, arishi küm 80 tain Lama dang hopta ishika anisüngzüka alitsü ajungshiba olen ka Taklha-i metetdaktsü saka Lama shiranga aliba osangbo kecha memtetdaktsü.
1959 küm nungi tenzüka India nung jenoka alisang, Lama-i par college aser kidangsüa aliba Amherst College aser University of Massachusetts na nung taruba October ita o jembitsü asoshi renemba sentong melenshiba osanga US nung Smith College ketdangsertemia metetdaktsüogo.