Dale Steyn Test wicket 400 agir rong nung densemer

Dhaka, July 30 (Agencies): South Africa bowler, Dale Steyn-i Dhaka nung asayaba 2 buba Test lapokba anogo nung, tanü Brehostibar nü Bangladesh opener, Tamim Iqbal asayadak temaleni yoka Test wicket 400 agir South Africa asayar 2 buba kümogo.
S Africa skipper, Hashim Amla-i Iqbal-i slip tsütsüleni yokba ball apuba sülen arishi küm 32 tain fast bowler, Steyn-i tanü alizüng tuluji ajangzük.
Taoba mapang, 2008 nung cricket asayatsüren toktsüsang, Shaun Pollock-i ajak agi wicket 420 tashi agia Test wicket 400 ser tema agir mezüngbuba S Africa asayar aküm.
Cricket asayatsü tenzüker tanü tashi nung Test asaya 80 buba nung shilem agisang, Steyn-i tanü alizüngji ajangzükba sülen alima ajunga nung wicket 400 ser tema agir cricket asayar 13 buba akümer lir.
India spinner Harbhajan Singh aser England paceman James Anderson na sülen anidaka, Steyn ya tang cricket tasaydak asayar rong nung wicket 400 ser tema agir asayar 3 buba kümogo.