Dalits aser Muslim nunger amakertem merenshitsüla: Opposition

New Delhi, August 01 (Agencies): Tang linük nung Dalits aser Muslim nunger kanga bulua amakba tatalokbatem atema tebilemtsü kaa tanü Lok Sabha nung opposition party temi nashi anüker teloktem nem temerenshi tulu agütsütsüla, ta shiogo.
Lok Sabha Zero Hour mapang Trinamool Congress lenir, Sudip Bandopadhyay-i, “Linük nung secular wazüka ayutsü aser tamangba lokti balala tsüngda tesünep nung alitsü atema Dalits aser Muslim nunger amakertem nem temerenshi tulu agütsütsü nüngdak,” ta ashi.
P K Biju (CPI-M)-ia, dalit nunger amakba atema Parliament-i temerenshi tulu agütsütsü nüngdak, ta ashi.
Ano Congress Party nungi Rajeev Satav-i tanga onük ka süoka, “Maharashtra Anti-terror Squad tongtii sangdong ka ajanga, Marathwada tesem nungi lanur 100 dak temai ISIS telok den tongteprateper ta sangdongbaji süoki ia agitsüla,” ta ashi.