DALT-i aitsür

Dimapur, July 12 (TYO) : Kohima nung Parliamentary Secretary, Dr.Imtiwapang Aier’er kidang mejangjatetba nisung kari July 09, 2015 aonung injang kahloktsüba tasümait mapaji kanga sashia aitsür, ta Dimapur Ao Lanur Telongjem (DALT)-i metetdaktsüogo.
Iba ama nisung tsübudaktsütsü atema tasümait mapa inyakba jagi loktiliba nung temulung melemtep aser mangatettepang adokdaktsütsü ta parnokisa ashi.
Iba ama mapa tamajung inyakba kuli mangu tashi bushitsü aser ozüng amertemia mapa tamajung inyakertemji pur ozüng agi melaba ama merenshitsüla, ta DALT-isa metetdaktsü.