Dimapur, July 27 (TYO) : Dimapur nung Kevijau mepu lanurtemi par yimteni lemtetba temzüng ozüng mapa küma inyakba mapang nisung kari par asem dak prongpong tulokja merenshiba mapaji kanga sashia aitsür ta Dimapur Ao Lanur Telongjemi metetdaktsüogo.
July 25, 2016 anepdang nisung kari Kevijau nung alir lanur asem dak teka mejungi sangshiba osang angashia DALT purtemi Kevijau yimten aser lanurtem telongjem ajurua osang agitepba sülen Urban police station nung oagi police tanishirtem ajurua tai maketba lanurtem dak injang amshia teka sangshirtemji aputsü takangba agüja liasü. Aji oda, memenui Dimapur policetemia nisung tamajungertem ajak pua arutetba asoshi parnok nem tenüngsang agütsür aser parnokji mechioki parnok mapa dak alanga temerenshi agütsütsü imlar ta DALT-isa metetdaktsü.
You must be logged in to post a comment Login