DALT-i Senden Riju nung nübodoka mapa inyaktsü

Dimapur, June 15 (TYO) : June 18, 2016 nü Dimapur Ao Lanur Telongjem (DALT)-i Senden Riju, Purana Bazar, Dimapur nung lokti nübodoka mapa inyaktsü telemtetba agiogo, anungji ketdangpurtem, executive züngsemtem, unit balala nung tirtem aser executive züngsem ajak iba mapa nung arua shilem agitsü metetdaktsür, ta DALT Tir, K. Longri Imchen aser Tongti Tezülur, Meyatoba nati külem sangdong ka nung metetdaktsü.
June 18 anepdang 5:00 ako nungi mapa tenzüktsü anungji züngsem ajaki nok aser pelja bener arutsü metetdaktsür. Marurtem dang sen 500 senchi alitsü, ta DALT mendenpurtemisa metetdaktsü.