DALT-i tashiyim mapa aitsür

Dimapur, Jan.24 (TYO) : Dimapur nung Padumphukuri yimtak January 18 nü mejangjatetba nisung pezüi prangpong amer Er.Sungti Amer ki nempoka tur par kidang alirtem amokmerener ano kibur arur külen arutsü ta  tetsübutsü o shir aoba mapa tamajungji kanga sashia aitsür ta Dimapur Ao Lanur Telongjem (DALT)-i metetdaktsüogo.
Iba ama mapa tamajung agi tai maketba senso tajungtem amokmerena senzüba mapaji odangbo repranga medoktsütsü aser ozüng amshirtemia iba mapaji bushisüngdanga inyaktsüla ta DALT-isa takangba ka metetdaktsüogo.
Ano, DALT telokisa RMSA sentong nung Ao tesayurtem shimtsü aliba meshimba atema Ao Senden, Ao Senso Telongjem Dimapur aser AKM teloktemi sorkar nem takangba agüja alibaji January 31 tashi nung ataloktsütsüla ta metetdaktsüogo.