DALT kenten sentong asoshi renemtepdagi

Dimapur, Oct. 26 (TYO) : Dimapur nung DDSC stadium nung Dimapur Ao Lanur Telongjemi taruba ita Novemer 4, 2017 nikongtsütsü 6:00 ako nungi kenten sentong tuluka ayongzüka lir. Iba sentong nung kententsü purtem ajak ya Aotsür Aortem dang lir aser Nagaland nung jilushi air nüngtugu telok Dreamz Unlimited purtemia shilem tajung agitsü.
Iba sentong nung jaokertem rongnung Additional Chief Secretary, Wb.Temjen Toy, Additional Development Commissioner, Wt.Aolemla aser Justice & Law department nung Senior Administrative Officer Wb.A.Chuba Ozüküm nungertem alitsü. Parnok dak alaka ano Aotsür Aor lenirtem ajak arua iba sentong nung shilem agidaktsüner ta DALT sangdong ka ajanga metetdaktsüogo.
Iba sentong nung kentenertemji Anungba Sanglir, Sashi & Asen, Tsüza Imchen, Wapong Ozüküm, Waluniba, Toshimeren, Mangyang Kichu, WonderWaves,Tiameren,Moajungla aser Marjo A Kichu nungertem alitsü.
Iba kenten sentong nung aruba sen agi tang Dimapur nung tesüdak Senden Reju ki renemtsü teimla lir.