Dangal film ajanga sen 320.16 crore aazükogo

Mumbai, January 07 (Agencies): Aamir Khan, Fatima Sana Shaikh, Sanya Malhotra, Sakshi Tanwar, Zaira Wasim aser Suhani Bhatnagar nungertemi tongti shilem agia yangluba Dangal film-i Bollywood nung sen aazükba film rongnung timtiba jenjang tanabuba angutsü ana nung lir.
Iba film sayar anogo 15 buba nunga sen 6.66 crore aazük aser iba ajanga tang tashi nung sen 320.16 crore aazüka lir.
Nitesh Tiwari-i zülua direct asüba Dangal film ya saisapongba jilushi ka lir aser iba film yagi sen aazükba nung Salman Khan indang Sultan film ajangdanga 2016 nung sen timtiba aazükba film kümogo. Tang tashi nung, 2015 küm yangluba Salman indang film ‘Bajrangi Bhaijaan’ ajanga sen 320.34 crore aazükba ajanga iba film ya sen timtiba aazükba film rongnung tanabuba jenjang nung lir.
Aamir indang Dangal film ya sen meyirjang ishika agi Bajrangi Bhaijaan memenepi lir.
Iba saisapong jilushi film Honibar aonung sayuba ajanga Bajrangi Bhaijaan ajateter alitsü südi.
Bollywood nung sen timtiba aazükba film temaba jenjang atema Aamir Khan indang film ana akümer aser itemji ‘PK’ aser ‘Dangal’ lir.
2014 nung sayaba Aamir Khan indang film ‘PK’ yagi sen 340 crore aazüka liasü aser iba yongji ‘PK’ film ya Bollywood nung sen timtiba aazükba film nungnung mezüngbuba jenjang nung lir.