Daniel Craig ano James Bond movie nung shilem agitsü akok

Los Angeles, December 12 (Agencies): Actor Daniel Craig-i ano maneni nüngtugu James Bond movie nung shilem agitsü akok. Spectre movie nung shilem agisang Craig ya ano maneni 007 movie tasenba ‘Othello’ nung shilem agitsü asoshi iba movie producer-i mesüzüktsü merangdar, ta AceShowbiz ajanga ashi.
Casino Royale, Quantum of Solace, Skyfall aser Spectre amala nüngtugu movie tem nung shilem agidaktsütsü asoshi Craig aniokla, Barbara Broccoli-i, ano maneni Bond indang movie 25 buba nung pa shilem agitsü asoshi asüngdangtsü. “Daniel-i pa sasa pa kanga tenendak actor ka ta bilemer, aser Barbara-i Daniel indang sempet nung kanga temulung alemer. Daniel-i iba film nung shilem agibaji la atema sempet ka, ta Barbara-i bilemer aser lai Daniel ji maneni Bond movie nung shilem agidaktsünür”, ta osang ka ajanga ashi.
Idris Elba, Tom Hiddleston, Michael Fassbender aser Jack Huston nunger-i Craig melen James Bond shilem agistü tesüiba mapang olulu ka adoka liasü.