Daredevils teloki 3 buba 10-Northern Angami takok marok agizük

Kohima, April 06 (TYO): High School Daredevils teloki final asaya koka 3 buba 10-Northern Angami Twenty20 (T20) Bash cricket asyamong takok marok tanü, Bodbar nü agizükogo.
Daredevils teloki tan agi 10-Northern Angami takok marok tasembuba atonga agizüker lir.
Tanü final asaya nung Daredevils teloki wicket 1 agi Lower Bayavü Giants telok madak takok ngua liasü.
Giants teloki overs 20 nung ajak agi runs 134 yanglu aser Daredevils teloki overs 19.2 nung wicket 9 laoa ajak agi runs 136 yangluba yong par teloki takok angu.
Tanü asaya nung runs 58 yangluba den külemi, wicket 2 agisang, Daredevils asayar, Anga-i Man of the Match sempet agizük.
Champions telok, Daredevils-i senpet sen lakh 1 agizük aser tanabuba jenjang angur, Giants teloki senpet sen 50,000 agizüka liasü.
Ano külen, individual shilem nung Daredevils asayar, Ruduovotso-i Man of the Series; Giants asayar, Tapitu-i Best Batsman; Giants asayar, Thungchamo-i Best Bowler aser Chede Strikers teloki Spirit of Cricket Award agizükba osanga jangjaogo.