DataWind-i sen 5,999 alang 4G tablet sayaogo

New Delhi, June 24 (Agencies) : DataWind company-i Hokolbarnü 4G tablet “moreGmax 4G7” ajaki atutsüsa sen dalang agi sayaogo.
“Tablet yanglur rongnung lenir company ka ama onoki technology tajung aser ajaki atutsüsa sen dalang oset nüburtem nem agütsüner,” ta DataWind nung Tir aser CEO, Suneet Singh Tuli-i sangdong ka ajanga metetdaktsü.
Sen 5,999 alang tablet nung 1024 x 600 pixels keta aliba inch 7 multi-touch display keta lir aser Android 5.1 operating system ajanga mapa inyaker.
Iba tablet nung quad-core cortex A7 processor, 1GB RAM aser 8GB flash memory keta lir. 8GB flash memory ya micro-SD cards amshia 32GB tashi ulua amshitettsü.
MoreGmax 4G7 nung Wi-Fi hotspot, Wi-Fi direct, Bluetooth aser GPS dena inokja lir.