Datsun-i sen lakh 3.57 jenjang redi-Go 1.0L sayaogo

July 26, 2017 (Agencies): Japan nunger gari yangluba company, Datsun ajanga redi-Go 1.0L sayaogo aser iba gari ya sen lakh 3.57 nungi tenzüka angutsü (ex-showroom).
redi-Go 1.0L tasenba ya taoba küm sayaba redi-Go 800cc yanglushiba lir. Iba gari nung 1.0L tree-cylender fuel efficient iSAT engine den five-speed manual transmission keta lir. redi-Go 1.0L ajanga power 68 PS agütsür aser 91 Nm torque agütsür, aser iba tashi ya Maruti Suzuki Alto K10 dang temaba lir.
Iba gari tasenba ya 800cc model den mesüktepa lir. Iba segment nung Daytime Running Lights (DRLs) keta aliba gari bo tang tasenba redi-Go 1.0L ya dang alitsü. redi-Go 1.0L tasenba nung remote keyless entry keta lir aser gari telung sentsü tapu pongu nung angutsü. Iba gari ya S aser T(O) variant nung angutsü aser iba gari sayaba sülen India nung redi-Go ya variant 7 kümogo.
Iba gari ya Maruti Suzuki Alto K10 aser Renault KWID 1.0 SCe amala garitem den tokteptsü.