Daughter’s Day: Linük ulua bilemdaktsüba jala 15

August 11, 2015: International Daughters’ Day among nü Megastar Amitabh Bachchan-i, tanü asüngbo jala kaji khuret bentsür arur ka masü saka jabaso 10 den kasa aser ibaji asenok ajaki meteta arur. India nungbo tetsür ka asütsüji kanga tasak, ajisüaka linük nung otsü aika ajanga tetsüri mapa tulu inyaktetba asenoki meteta lir, ta shi.

Iba anogo tulu amungba den külemi linük nung jala 15-i parnoki takok tulu angubatem ajanga lar tsürabur dang masü saka asen linük dena kanga ulua bilemdaktsüba tarensen reprangdangdi.

Bachendri Pal: Lai India tsür rongnung mezüng Mount Everest-i 1984 küm tutet. Tanü tashi tenemi aturtem aikati la mesüka kümner.

Sushmita Sen: Lai India tsür rongnung mezüng Miss Universe korang 1994 küm angu.

Kiran Bedi: La India tsür rongnung mezüng Indian Police Service (IPS)-i 1972 küm ai. 1978 küm prangpong amaer lungkak aitba ngur tanga sepaitem jenaka la kijai iba mapang Ato Kilonser, Indira Gandhi meyong gari takok ngua nungteter arua liasü. Lai 1994 küm Ramon Magsaysay award-a ngua liasü.

Mary Kom: Tang tashi nung India nungi tsüngteper rongnung World Amateur Boxing Champion ponguben tashi aser world championship nung medal trokben atonga atonga abenerji Mangte Chungneijang Mary Kom ang lir.

Kalpana Chawla: Lai February 1, 2003 nü US nung alir India tsür rongnung anünglaki mezüng atuba otsü yanglu. La anünglak nung anogo 31, ghonda 14 aser minute 54 kazü.

Mira Nair: La ya New York nung alir aser India film yanglur ka lir. Lai Padma Bhushan senpeta agizükogo.

Kiran Mazumdar Shaw: La ya ‘Financial Times’ temaba jenjang 50 tarensen nung dena lir. Tang la Biocon Limited, Bengaluru nung entrepreneur, chairman aser managing director teinyakdak lir.

Anjolie Ela Menon: La ya noksa yanglur ka lir. La ya Padma Shree senpet angur rongnung ka lir. La küm 15 ajungdangbo lai yangluba noksa (painting) karbo yoker liasü.

Neerja Bhanot: La ya tayimtsü nung teyariteper ka liasü. La arishi küm 22 asüdang Pan Am tayimtsü ka kiralongrari bener ajendang tanürtem kümzüktsü meji lai taküm tenla liasü.

Sania Mirza: La ya tennis asayar ka lir aser iba lu nung tanga India tsüri meinyaktetba lai inyakteta lir. India tsür rongnung mezüng Grand slam 4 tashi angurji la lir.

Arundhati Roy: La ya political temeden asoshi inyaker ka lir. Lai züluba novel ‘The God of Small Thing’ ajanga Booker prize ngua liasü.

Lata Mangeshkar: La küm pongu asüdang nungi musical play nung shilem agia aru. La dang ‘Nightingale of India’ ta ajar. Ken timtiba menüngokba asoshi ‘Guinness ‘Book of World Records’ nung la tenüng ia lir. Kentener rongnung tanabuba Bharat Ratna angurji la lir.

Indra Nooyi: La ya US nung alir India tsür lir aser la PepsiCo nung Chairman aser CEO teinyakdak lir. Forbes magazine nung tetsür tesashitiba 100 tarensen rongnung jenjang 4 buba nung lir.