David Beckham nem ‘Legend of Football Award’ agütsütsü

July 23, 2015: Taküm September ita London nung 20 buba HMV Football Extravaganza aliba mapang football asayar nüngtugu David Beckham nem ‘Legend of Football Award’ agütsütsü.
Iba sentongji London nung aliba Grosvenor House Hotel nung akatsü. Tawa David-i music therapy charity, Nordoff Robbins semdanga iba foundation ajanga yariba tanurtem aika pai ajurua liasü.
Tanurtem rongnung tangar memeneper/matemabensar arishi küm 11, Romano liasü.
Romano-i pa o jembishinü nung tangar menepa tajungba akümtsü asoshi küm pongu tashi Nordoff Robbins foundation-i arur.
David Beckham-i, ”Nordoff Robbins mapatong jangratema reprangogo aser Romano den par kibong ajuruogo. Music therapy ajanga Romano taküm nung temelenshi angubaji tesüngmangtsüka aser pai pa dak melung lemtetbaji jangratemtsüka,” ta ashi.
”HMV Football Extravaganza nung Legend of Football Award agizüktsü ya ni asoshi akhüm tulu. Iba sentong nung shilem agitsüji, talisa taküm küm 20 bubamong nung adentsü ya maongka tulu,” ta paisa ashi.
HMV Football Extravaganza ajanga Nordoff Robbins atema pound sen million 7 ajangzükteta teyari agütsüogo, koba ajanga UK nung tangar memeneper nisung merirjang aika nem music therapy agütsür.
Taoba mapangtem nung Legend of Football Award agizükertem rongnung Sir Bobby Robson CBE, Sir Alex Ferguson CBE, Eric Cantona, Tony Adams, José Mourinho, Pelé aser Ryan Giggs OBE nunger densema lir.