David Beckham nem ‘sexiest man alive’ jaloktsü

London, November 18 (Agencies) : Peoples Magazine-i football asayar David Beckham nem 2015 Sexiest Man Alive ta jaloktsüogo.

“Ni iba naroküm kanga pelashishia agizüker aser People magazine küm 30 ajungba küm iba naroküm agütsüba ya maongka tulu ka lir” ta arishi küm 40 tain Beckham-i ashi.

“Ni, ni tobur tajung mesüra tereprangnütsüka ta kodanga mezüngshir. Hao ni süoshi tajung semnür aser junga ngudaktsünür saka ni yamaji kodanga mebilemer” ta paisa ashi.

Iba osang ya kü kinüngtsü Victoria-ia kanga pelaseta agizükogo aser teti lai ni atema yamai bilemer asütsü ta imlar, ta Bechkam-isa metetdaktsü.

David Becham aser Victoria na Brooklyn (16), Romeo (12), Cruz (10) aser Harper (4) nungeri sosema lir.