David Bowie-i kinungtsü nem sen million 50 yutsü

New York, January 30, 2016: Tesüiba mapang ken atener nisung, asür David Bowie-i kinungtsü Iman nem, pa meyong rongsen million dollar 100 nungi sen million 50 lemzüktsüogo, ta osang kar ajanga metetdaktsü. Pai lemzüktsüba rongsen nungji tena telidakba ki Manhattan nung aliba ‘Lafayette Street’-a dena lir, ta court nung zülutepba nung lir.
New York Post ajanga anguba Documents tem nung Bowie indang rongsen kwi lir ajakji zülua lir.
Kentensang jala, Alexandria nem Ulster County ki agütsüogo aser Bowie indang rongsenji pa tanga tetsür ka den sosema aliba jabaso, Duncan Jones den lemdangtsü.
Osang ajangasa ashiba agi, Bowie-i sen million dollar 2 pa indang assistant aser medemer Corinne Coco Schwab nem agütsü aser sen million dollar 1 par jabaso sa reprangla Marion Skene nem agütsü.
Tezülutepba nung pai pa asüba sülen Buddhist yimya ama pa mitsü Bali asetkong nung prokang, ta ashiba lir.
Bowie ya arishi küm 69 ajungtsü anogo ananü lia tan Janaury 10, 2016 nü asü.