David Miller-i international Twenty20 century tekeraba agitet

Potchefstroom, October 29 (Agencies): Deobarnü Potchefstroom nung South Africa-i Bangladesh akokba mapang David Miller-i Twenty20 international cricket otsü tasen ka yangluogo. Pai iba asaya nung runs 100 tekaraba yanglutet.
Miller ya run kata magidang out sütsütsü maongka liasü, saka pai azükba ball pupeta ball 36 nung runs 101 (not out) agitet aser pai runs 100 ya ball 35 nung yanglutet.
Taoba mapang T20 international century ya kasa South Africa nungi Richard Levi-i yangluteta liasü. Pai 2012 küm Hamilton nung New Zealand den asayadang ball 45 nung runs 100 agitet.
Deobarnü asaya nung South Africa-i runs 224 yanglutet saka Bangladesh ya runs 141 dang agiteter lia asayar ajunga out sütsü.
Deobarnü asaya nung Miller-i 6 toko azük aser 4 tenet azük. Pai Bangladesh nunger Mohammad Saifuddin ball nung atonga 6 pongu azük.
Kasa asaya nung par medemsor Hashim Amla-ia ball 51 nung runs 85 agitet.