David Villa Vissel Kobe nungi asayatsü

Luchii/December 1, 2018 (Agencies): Taoba Spain aser Barcelona striker David Villa-i Küptoknü ashiba agi, pa J-League team Vissel Kobe nung adentsü asoshi tenangzüktepba ka yangluogo. Iba tenangzüktepba yangluba sülen pa taoba team mate Andres Iniesta den külemi asayatsü.
Villa-i video ka lemsatepba nung pa Japan-i aotsü asoshi phone call ka magizük tsüngda New York City FC nung takok ngua inyakba sayua liasü.
“Hola japon. Hola Vissel Kobe,” ta pai video nung ashiba angutsü, kong pa J-League club indang jersey semer lir.
Arishi küm 36 tain forward ya Vissel puri tawa nüngtugu asayar alizükba rongnung ka lir.
Vissel ya Japan nunger tech billionaire Hiroshi Mikitani meyong lir aser parnoki 2017 küm taoba Arsenal striker Lukas Podolski alizükba sülen taküm küm tetenzüklen Iniesta aliogo.
Villa ya Spanish national team otsü nung goal timtiba idaktsüsang lir. Pa Barcelona aser Valencia nungi kanga takok ngua asayar 2014 küm Atletico Madrid nungi New York City FC nung oa aden.