Davis Cup: Bopanna aser Balaji nati takok angu

Rohan Bopanna aser N Sriram Balaji nati 3-0 agi Uzbekistan madak takok ngur pelatepba noksa nung angur. Iba takok anguba ajanga parnoki World Group Play-offs asayamung nung asayatsü maongka nguogo.

BENGALURU, APRIL, 8 (TYO) : Honibarnü, Bengaluru nung Rohan Bopanna aser tan mezüng tennis asayar N Sriram Balaji nati Davis Cup Asia/Oceania Group I asaya nung Uzbekistan madak 3-0 agi takok nguogo.
KSLTA stadium nung Bopanna aser Balaji nati Uzbekistan nungi tarep asayar ana, Farrukh Dustov aser Sanjar Fayziev na madak -2, 6-4, 6-1 agi takok angu.
Hokolbarnü Ramkumar Ramanathan aser mezüng asayar Prajnesh Gunneswaran nati India nem 2-0 lead ngutetja lir. Tenati kija asayaba nung Temur Ismailov aser Fayziev na madak takok angu.
India telok World Group Play-offs nung asayatsü maongka nguogo. Iba asayamungji September ita nung asayatsü aser shirnok den asayatsü ibaji khen lir ang metetdaktsütsü.