Davis Cup: India-i points 2-0 agi South Korea den temaba jenjang nguogo

Chandigarh, July 15 (Agencies): India nunger Ramkumar Ramanathan aser Saketh Myneni nati takok ngua asayaba ajanga par India teloki tan tasayadak Asia/Oceania Group-I asaya nung points 2-0 agi South Korea den temaba jenjang angutsüsa jenjang tajung tanü, Hokolbar nü ngudaktsüogo.
Tanü ghonda 2 ser minute 36 shi asayaba sülen arishi küm 21 tain Ramkumar-i points 6-3, 2-6, 6-3, 6-5 (15-15) agi Korea nunger Seong Chan Hong madak mezüngbuba singles rubber asaya koka India points 1-0 agi temaba jenjang nung ajungkettsü.
Tesülen, arishi küm 28 tain Myneni-ia ghonda 3 ser minute 9 nung points 6-1, 3-6, 6-4, 3-6, 5-2 agi Yong-Kyu Lim madak tanabuba singles rubber asaya koka, India maneni points 2-0 agi S Korea telok den temaba jenjang nung ajungkettsü.

You must be logged in to post a comment Login