Davis Cup: India points 3-0 agi S Korea den temaba jenjang nung lir

Chandigarh, July 16 (Agencies): India nunger tennis asayar mongin, Leander Paes aser Rohan Bopanna nati takok ngua shilem agiba sülen India teloki tang tasayadak Asia/Oceania Group I nung South Korea den temaba jenjang angutsüsa tanü, Honibar nü jenjang tajung bener arutsüogo.
Peas aser Bopanna nati tanü takok anguba sülen India telok points 3-0 agi S Korea den temaba jenjang angu.
Tenati tanü ghonda 1 ser minute 41 nung points 6-3 6-4-6-4 ngua, S Korea nunger Seong Chan Hong aser Hong Chung na doubles rubber asaya nung tsükdaktsü.
Külem sensopur, Saketh Myneni aser Ramkumar Ramanathan natia yashi pei singles rubber asaya koka Captain Anand Amritraj-i aniba India telok points 2-0 agi temaba jenjang nung ajungketja liasü.