Davis Cup: Paes-i Myneni den aroki asayatsü akok

New Delhi, September 13 (Agencies): Spain telok den asayatsü lemzükba World Group Davis Cup play-off tie asaya nung Leander Paes-i Saketh Myneni den aroki lungjemer India tenüng nung tebur doubles rubber asayadaktsütsü bilemba olen ka India captain, Anand Amritraj-i tanü, Mongolbar nü metetdaktsüogo.
India telok dang masü saka Spain telokia par doubles asayar tatem küma meshimteti aliba osang bushiteta lir.
Par telok ana tsüngda mezüngbuba anogo asaya tendangba reprangba sülen ang telok anapronglai par tebur doubles asayar tatem küma shimtsü sentong renemba osang angazükogo.
“Ni mezüngbuba anogo tembangba sülen ang Paes o Saketh na aroki asayadaktsütsü telemtetba tatem küma agitettsü,” ta Amritraj-i osang jangjashitsü.
Tan Honibar nü tembanga asayaba sülen ang par doubles asayar tatem küma shimtsü renemba olen ka Spain captain, Conchita Martinez-ia metetdaktsüogo.