Davis Cup: Peas o Bopanna nati tamakok ajurur

New Delhi, September 19 (Agencies): India nunger tennis asayar mongin, Leander Paes o Rohan Bopanna nati Czech Republic den tasayadak Davis Cup World Group play-off tebur doubles rubber asaya nung tanü Honibar nü tamakok ajuruogo.
Czech Republic nunger Radek Stepanek aser Adam Pavlasek nati tanü ghonda 2 ser minute 10 nung points 7-5 6-2 6-2 ngua Peas o Bopanna na tsükdaktsü.
Peas o Bopanna nati tanü tamakok ajuruba ajanga Czech Republic teloki points 2-1 agi India den temaba jenjang nguogo.
Aji oda, India-i tekübokba jenjang anguba yong külem sensopur, Somdev Devvarman aser Yuki Bhambri nati asüng, Deobar nü asayatsü ayongba reverse singles asaya anaprongla akok nung dang India-i linük 16 densemba World Group sabang nung maneni shilem agitettsüsa tang jenjang ajurur lir.
Yuki-i Jiri Vesley den 4 buba rubber asayatsü aser Somdev-i Lukas Rosol den 5 buba rubber asayatsü lemzüka lir.