Davis Cup: Somdev-i World No.40, Jiri madak takok angu

New Delhi, September 18 (Agencies): India nunger Somdev Devvarman-i World No. 4, Jiri Vesley madak takok ngua tanü Hokolbar nü nungi tenzüka Czech Republic den asayaba Davis Cup World Group asaya nung par telok anaprongla kasa jenjang kümtsüogo.
Somdev-i tanü points 7-6 (3) 6-4 6-3 ngua Jiri tebur singles asaya nung tsükdaktsü.
Külem asayar, Yuki Bhambri-i mezüngbuba tebur singles asaya nung tamakok ngua India points 0-1 agi tekübokba jenjang nung yutsüba yong Somdev-i tanü takok angubaji tongti takokba ka aküm.
Tebur World No. 85, Lukas Rosol-i points 6-2 6-1 7-5 ngua Yuki madak takok ngua par Czech telok temaba jenjang nung ajungkettsü.
Ano külen, India nunger tennis asayar mongin, Leander Paes o Rohan Bopanna nati Radek Stepanek aser Adam Pavlasek na den asüng, Honibar nü doubles rubber asayatsü renema lir.