Davis Cup: Spain teloki points 2-0 agi India den temaba jenjang angu

New Delhi, September 16 (Agencies): Star asayar, Rafael Nadal-i ajungbena shilem magitettsüsa küma aka, par Spain teloki points 2-0 agi India den temaba jenjang ngua, Davis Cup World Group playoff tanü, Hokolbar nü asayaogo.
Nadal melena asayasang, Feliciano Lopez-i mezüngbuba asaya nung points 6-4, 6-4, 3-6, 6-1 agi India nunger Ramkumar Ramanathan tsükdakja par Spain telok point 1 agi temaba jenjang nung ajungkettsü.
Tebur World No. 13, David Ferrer-ia tanabuba asaya nung points 6-1, 6-2, 6-1 agi Saketh Myneni madak takok ngua, par Spain telok points 2-0 agi India den temaba jenjang kümdaktsü.
Ano külen, Japan aser Australia telok natia par Group playoff asaya koka, points 2-0 agi temaba jenjang tanü anguba osang jangjaogo.
Taro Daniel aser Yoshihito Nishioka nati Tokyo nung takok ngua asayaba ajanga par Japan teloki Ukraine telok den temaba jenjang angu.
Australia nunger Nick Kyrgios aser Bernard Tomic natia Sydney nung par asaya koka asayaba ajanga par Australia telokia points 2-0 agi Slovakia den temaba jenjang ngua liasü.