Dawid Sarasademba

O Tsüngrem, kü dak bushiang, aser kü mulungjang metetangma. Ni tendangang, aser kü tebilemba metetangma. Aser kü dak; lenmang tamajung kar danga reprangang; aser teti tatem maka lenmang nung ni aniangma.  – T. Ken 139:23, 24.

Ibai Dawid sarasadem. Temenen nung belemseter Tsüngrem bushiba lenmang aisü nungi taitsüba tejenbulen maka tatempang teimlaj i Tsüngrem ta bushia aruba. (T. Ken 38: 18.)
“Hau, ni kü tai nangzüker, kü temenen asoshi ni jashiseter” Ajak tendanger, menakdanger, jajadanger, O Tsüngrembosa Tsüngrem, Pa majangi tepela, tesünep, takok, yimji-yimjung, taneptsü maka. Anungji tamadokba jabaso ama dang Tsüngrem bushia aru. Dawid-i ashir, kü men en asoshi ni jashiseta ni kü tai nangzüker, Ano paisa ashir, “kü dak bushiang, kü mulungjang metetangma, ni tendangang …. ”
Dawid ama asenokia asen menentem bushiba, bilemtettsü mapang agir asü masü. Tangar dang angur asü asen menen bushia ya majunga tajashia Dawid ama nangzüker? Tangar asoshibo mapang angur, asen asoshibo mapang mali ta asimungbo kenü anogo kanga sasatsü, jashitsü saka menuadoker asütsü. Dawid-ibo mapang yangpong nung Tsüngrem bushi aser iba Tsüngrem nem taküm rangpen bendanga agüja sarasademba yangi angur.
Sarasadem:  O Kibuba, kü dak temulungjang tasen ka poktetdakjang süra ni Nü den tatem maka lenmang nungjajatsü. Amen.