Dawid tenüngsang ken

Dawidi iba takok ken talang ya Tenüngsang agüja aten. “Kibuba taküm alir. Kü lung tushiang! Kü kümtet Tsüngrem ulujang” (t.46). Dawid jenshia pa chuba mendeni atuba anogo ataa liasü. Tang anogoji aruogo. Pai koda langzü ? Pai Tsüngrem sentsüwangshitsü.
Karibo ashitsü südi, “Ahaa, kü tsükchirtem ogo, tang ni kechi inyakner inyaktsü.” Saka Dawid mulungsentsü nung aji mali asü. Pai Tsüngrem nem tütushi agütsü. Pai pa ken shibai pa yari pa nem tütushi agüja aten. “Anungji  O Kibuba, kin rongnung ni na sangdi, aser ne tenüngsang ken tendi” (t.49). Dawid Yihuda nunger ka, pai ashir, “Item  bendangertemi kü Tsüngrem koda tulu metetdaktsüner.” Nai kintem dang Tsüngrem koda tulu metetdaktsüner asü? Nai tangar dang osangtajung ashitsü khuret lir ma? Kibubai na kümzük süra,  Kibubai na asoshi kechi inyak tangar dang nai ashitsüla.
Dawidi pa takok ken Kibubai moatsüba ajanga aten. “Kibuba Takum lir!” (t.46) Asenoki taküm Tsüngrem dak amangbaji  ochi masü na? Kari tasü Tsüngrem  külemer, saka asenoki mekülemer. Asenok taküm Tsüngrem chirtem lir. Dawidi ashi, “Tsüngrem taküm lir, aser Pa kü tekümtet lung lir. Ni Pa uludatsüner.” Aser pai tatem nung ashi, “Pa chuba nem Pai tekümzük tulu agütsür.” (t.50)
Takok sülen nai koma langzütsü? Aiben Khristantemi Kibuba mouludaktsür. Nai taküm Tsüngrem ka dak amanger, shibai na wabanger aser kümzüker. Pai ne tekülem aser tetushi agizüker. Nai  ne takoktem asoshi Tsüngrem nem tetushi agütsüdar ma ?