Day II: MDFA asayamung osang

Mokokchung, Oct 4 (TYO): Oct 3 nungi tenzüka yangi Imkongmeren Sports Complex Mokokchung nung XXIII buba MDFA football asayamung asayadaki.
Tanü mezüng asaya Intermingle Club o Soccer Club na asayaba telok katia goal magütsüteti 0-0 nung tembang. Tanabuba asaya N.U Lumami o SSS Yellow na asayaba SSS nungi Jersey No. 10 Moatemsü Jamiri minute 65 nung goal ka agüja iba goal jagi parnoki Lumami madak takok ngua liasü.
Tasembuba asaya Telongjem F/C o Dominion Club na asayaba Telongjem Club-i goal 4-0 agi ayongayonga akok. Iba asaya nung Telongjem nungi Jersey No. 7. Nyithong Magh-i minute 8, 17 aser 23 nung goal atongatonga asem agüja pai iba asayamung nung mezüng hat-trick agiogo. Par telok nungisa Jersey No. 10 Awangbo Kauriniah-ia minute 32 nung goal ka metsüoktsü. 2nd half nungbo shingaia goal kata magütsüteti asaya atem.
Oct 5 nü anepdang 11:00 nungi tenzüka match asem asayatsü lir. Mezüng match-ji Alempang Y/A o United Brothers F/C na, tanabuba match-ji Arikotong o Mongsenbai Youngsters na asayatsü aser tasembuba match-ji Grand Elite’s o Mongolian United na asayatsü.