DC & ARO Mokokchungi metetdaktsür

Dimapur, Metsüremi/March 12 (TYO): Taoba mapang metetdaktsüba ama DC & ARO Mokokchung, Rajesh Soundararajan-i, taruba Lok Sabha General Election aser Nagaland Legislative Assembly 26-Aonglenden Constituency Bye-Election dak ajemdaker Mokokchung district kübok Arms License bena alirtem ajak dang parnok indang Arms License aser prangbong March 30, 2019 nü matong tsüngda parnok anasatiba police station nung agütsütsü asoshi tetuyuba agütsüogo. Atakzükja aliba anogo tashi nung Prangbong aser License magütsürtem indang License temzüng kübok agintsütsü, ta metetdaktsüogo.