DC & DEO Dimapur ajanga metetdaktsür

Dimapur, Tsüklai 01 (TYO): NLA election 2018 atema election duty inyaktsü lemzükja alir polling personnel atema mezüngbuba shilem training ya Government College, Dimapur nung Tsüklai 2 aser 3, 2018 nung agitsü, ta Dimapur Deputy Commissioner & District Election Officer, Sushil Kumar Patel, IAS ajanga sangdong ka nung metetdaktsü.
Presiding officer & 1st Polling officer tem asoshi training ya nikongdang 1:00 ako nungi tenzüktsü aser nikongdang 3:00 ako nungi 4:00 ako tashi 2nd aser 3rd Polling officer tem training agitsü. Medical Board ajanga shimteta alirtem dak alaka ketdangsertem ajak iba training nung adentsüla, ta kasa sangdong ajanga metetdaktsü. Polling Personnel aser Nodal officer ajak iba training nung mepaidoki adentsü asoshi totuyuba agütsür aser iba training nung madenertem nem Representation of the People’s Act 1950 aser conduct of Election rules 1961 temzüng nung aliba ama temerenshi alitsü, ta Dimapur DC & DEO, Sushil Kumar Patel, IAS ajangasa metetdaktsü.