DC & DEO Mokokchung-i EMV dak sendakba nung osang agütsü

Dimapur, Mongputeni/October 17 (TYO): Deputy Commissioner & District Election Officer, Mokokchung, Rajesh Soundararajan-i sangdong ka ajanga ashiba agi, Election Commission of India tetuyuba dak ajemdaker Photo Electoral Roll, Summery Revision qualifying date ji 01-01-2020 asütsü aser Electors Verification Programme (EVP) dak sendakba nung Election Commission-i Electors Verification programme tembanga inyaktsü asoshi anogo atsülangtsüogo aser iba dak ajemdaker Special Summery Revision 2020 schedule yamai melenshitsür: EVP aser pre-revision inyakyim tem 2019 November 18 tashi atsülangtsür, Integrated draft electoral roll publication, 2019 December 25 tashi, claim aser objection file asütsü asoshi November 25 nungi December 24, 2019 tashi lapoktsür, claim aser objection agintsüba 2020, January 20 tashi lapoktsür, supplements renemtsü asoshi 2020 January 17 tashi, Electoral Roll tatembangbuba 2020 January 20 tashi nung sangdongtsü.
BLOs temi BLO App teyari agia verification mapa ajak inyaktsü. Ajisüaka BLO App mapa minyakba tesem nung BLO temi kishia dangi tua hard copy format amshia verification agitsü.
Ki shia sema verification agitsü atema formats pezü ; Format-I (for existing electors), Format-II (for unenrolled eligible citizens), Format-III (for feedback on existing polling stations), Format-IV A (for prospective electors, who will be eligible in SSR, 2020) aser Format-IV B (for prospective electors, who will be eligible in SSR, 2021) lemsar agütsüogo. BLO temi Handbill balaka agütsütsü mesera sarutsü nüngdak madoker, kechiyong handbill tenüngdakbatem Format-I nung inoktsüogo.
Anungji Electors Verification Programme (EVP) atema kibong ajak atema kibong nung tekolakba indang kuli kaket agi peritsü, ta ketdangser sangdong ka ajanga metetdaktsü.