DC & DEO Peren-i ketdangsertem senden ayonga amen

Peren DC & DEO, Sarita Yadav, IAS-i ayongzük April 12, 2019 nü 17buba Lok Sabha Election dak sendakba kuli kaket asadangba senden amendang tangokba noksa nung angur.

Dimapur, Rongchii/April 12 (TYO): DC & DEO Peren, Sarita Yadav, IAS-i April 12 nü, 6-Tening aser 7-Peren Assembly segments nung 17buba Lok Sabha Election agiba dak sendakba nung kuli kakettem asadangshiba senden ka ayonga kaogo. Iba senden nung political party balala nungi ketdangser, ADC &ARO Peren, Micro Observer, Training Management Nodal officers aser Expenditure Monitoring aser AEO, Peren dena liasü.
DC-i, election kecha tetsükdaktsü makaki tesunep nung takok nung katetba atema senden nung tena aliba ketdangser ajak dang pelaba metetdaktsü. Peren District nung vote agütsüba percentage 69.27% liasü.
Kasa mapang nung Political party ajak nungi ketdangsertemi election dak sendakba nung kuli kakettem asadangogo aser parnok temulung asüba lemsatepba den presiding officer, Micro- Observer aser Sector Officer temi osang balala agütsüba agizüka liasü, ta ketdangser sangdong ka ajanga metetdaktsü.