DC Dimapur-i employment adokdaktsüba project aginer

Dimapur, Tsüklai/Feb. 27 (TYO): Iconic Projects indang concept notes aser project dak sendakba nung Deputy Commissioner Dimapur, Anoop Kinchi IAS ajanga February 27, 2020 nü Dimapur district kübok aliba HODs tem ajak den senden ka DC’s Conference Hall, Dimapur nung ayongzüka liasü, kong Dimapur district kübok HODs tem dang LADP kübok Iconic Projects atema concept note renemer agütsütsü shia liasü. Ashiba ama department aikati parnok indang project tem den concept note tem agütsü.
Iba senden nung DC Dimapur-i employment tali adokdaktsüba project tem nüngdakba indang nenshia jembi.
2019 küm November 25 nü State Planning Board senden amenba mapang District Planning and Development Board ajak nungi Iconic Projects atema applicable project tem den tangatetba aser tebilemba lemsateptsü shia lir.