DC Dimapur-i quarantine centre amshitsü atema metetdaktsür

Dimapur, Monupii/May 17 (TYO): Dimapur district atema lockdown sülen danga state nung anendaka alirtem aruba sülen quarantine centre ama amshitsü asoshi tesem kar shimtetogo.
Itemji Iddgah Madrassa, Golaghat Road; Jain Bhawan, Marwaripatti; Hindu Community Hall, Kalibari; Gurudwara Lodge, Marwaripatti aser DurgaMandir Lodge, Marwaripatti alitsü.
Item tesem ya quarantine facility centre ama amshitsü asoshi parnok kin ajanga tenüng agütsü aser Accommodation Committee den Medical Department aser Commissioner of Police nungi teshimtet nisungtemi kanga junga asadangogo.
Iba totuyuba ya tang nungi amshitsü aser tarutsü nung totuyuba balaka magütsü tashi amshia alitsü, ta Deputy Commissioner, Dimapur sangdong ka ajanga metetdaktsü.