DC Kohima-i senden ayongzük

Kohima, Rongchii/April 25 (TYO): Child Rights & Child Protection indang onüktem nung olemtep agütsü atema April 25, 2019 Brehostibarnü District Child Protection Unit, Chairman aser Deputy Commissioner, Kohima, IAS Anoop Khinchi-i pa indang office nung department aser sendaktepa alirtem den senden ka agia liasü.
Tanur temeden kümzüka ayutsü aser tanurtem anema benshiba maparentem nokdangtsü nükjidong nung iba senden ayongzüka liasü.
Iba senden nung department balala aser sentaktepa alir talisa Labour Department, District Education Office, CMO, District Child Protection Unit, Child Welfare Committee, Kohima aser Child-line Kohima tem dena liasü.
Senden nung Child Rights aser Child protection dak sentakba nung tongtibang onüktem mapang agia olemtep agi; aser iba ya nüburtem tsüngda tekümdangtsüka ama agütsütsü aser tanurtem anema benshiba maparentem nokdangtsü atema meratem akanga yanglutsü nükjidong nung liasü.