Zunheboto, Chiteni/July 19, 2021 (TYO): Zunheboto town kübok vaccination drive sentong tem reprangshima aser maparen asadanghsitsü nükjidong nung, Deobarnü (18.07.2021) Deputy Commissioner, Zunheboto, Peter Lichamo, Dr. K. Akaho Sema, Dy.CMO Dr. Aron, DTO cum DPO (RCH & UIP) aser Hekato Chishi, District Store Manager nunger iba jila kübok COVID 19 vaccine agütsüba tesem 11 shi semdanga liasü, ta sangdong ka ajanga metetdaktsü.
Zunheboto town telungtet nung Covid vaccination drive sentong nung shilem tulu agiba atema, DC, Peter Lichamo-i pelaba temaitsü sayua colony indang GBs nem senpet sen agütsü.
Zunheboto District nung temsüa alir nisung 33775 nem Covid-19 vaccine mezüng dose aser temsüa alir nisung 6284 nem Covid-19 vaccine dose tanabuba agütsüogo, ta kasa sangdong nung shia lir.
DC Lichamo-i vaccine agütsüba tesemtem semdang added by nungsang on
View all posts by nungsang →
You must be logged in to post a comment Login