DCA-Inter School Cricket anogo asemnü asaya: Zakiesato HSS, SD Jain HSS aser HMC school temi akok

Dimapur, March 22 (TYO) : Dimapur District Cricket Assosiation-i Nagaland Cricket Stadium, Sovima nung ayonga asayadaktsüba, tang tasayadak Dimapur District Inter School (under-16) Cricket-Tourney asemnübuba asaya nung Zakiesato HSS, SD Jain HSS aser HMC School temi pei asayaba team tem madak takok nguogo.
Mezüng asaya Zakiesato MHSS (ZMHSS) aser Railway High School (RHS) na tsüngda asaya. Iba asaya toss RHS-i akok aser mezüng bat asütsü shimer asayadang over 11.5 nung parnok ajak out sür runs 33 ang yanglutet. Par telok nungi Ashish-i runs 7 yanglu, Kamrun-i wicket 5 aser Vickey-i wicket asem ta agi.
ZMHSS-i over 4.4 nung nisung ka out sür runs 34 yanglua tanü asaya wicket 9 agi akok. Par telok nungi Kandan-i runs 20 (not out) yanglubaji timba liasü. ZMHSS bowler temi
Tanabuba asaya nung SD Jain HSS-i wicket asem agi Christian HSS madak takok angu.
Iba asaya nung CHSS-i toss akok aser mezüng bat asütsü shimtet. Parnoki over 15.4 nung wicket ajak tugur runs 98 yanglua yutsü. Par telok nungi Shakib-i runs 10, Randhir-i 10 (not out) aser Prakash-i runs 10 ta sa yanglu. Par teloki nungi bowler Sijal-i wicket asem agi. Iba sülen SDJHSS bat asüba mapang over 19 nung parnok nisung 7 out sür runs 99 yangluteta tanü asaya nung takok angu. Par telok nungi Sumit Paul-i runs 27 (not out) aser Ajay-i runs 17 yanglu. Iba team nungi bowler Shahid-i wicket 4 tashi agia liasü.
Tanü tasembuba adaya nung HMC School-i runs 11 agi MGM HSS madak takok angu. Iba asaya nung toss MGM teloki akokba sülen parnoki mezüng field asütsü shim.
HMC telok pur over 15.1 nung ajak out asü aser parnoki runs 68 yanglua yutsü. Par telok nungi Joseph-i runs 17, Abdul-i runs 8, Thungdemo-i runs 6 aser Nazim-i runs 7 ta yanglu. Bowler Alezo wicket ana aser Abhishek-i wicket 4 ta agi.
Iba sülen MGM HSS bat asüdang parnoki over 10.3 nung wicket ajak tuguaka runs 57 ang yanglutetba agi iba asaya nung tamakok angu. Par team nungi Mughapy-i runs 7 yanglu. Bowler Nashim aser Longtusaba naprongi wicket asemsem agi.
March 23, 2017 asaya yamai alitsü:-
8 AM – Bronson School
vs Little Star HSS
11 AM – RJHSS vs Railway HS
2 PM – CHSS vs G. Mhaisu School