DCC-i Kevi asüba atema mangyimer

Dimapur, Luchii/December 20 (TYO): Asür Kevizakiesatuo ya DCC President küm 8 tashi aser Secretary mapa nung party tenzüka aruba lenir ka liasü, aser pa asüba atema District Congress Committee, Dimapur-i jashia mangyimer, ta tanü DCC Dimapur Tir, A. Bendang Jamir-i sangdong ka ajanga metetdaktsü.
“Pa ya yimjung abener Naga nunger rongnung lenir tajung ka liasü, aser memetetba nisungtemi shiruru ama amshia tespetba ya asen Naga nunger sobalibai aitsür. Iba ama asüko mapang nung pai toktsüba kinüngtsü, chirnurtem aser temeimbatem den onok sarasadem lir,” ta kasa sangdong nung shia lir.