DCC Zunheboto President-i jangjashitsür

Dimapur, October 20 (TYO) : October 18, 2015 nü osangkakettem nung DCC President 11-i NPCC President office shibangtsüba aitsür ta osang adokba nung kü den asüngdangya mesüi tenüng amshiogo, ta DCC Zunheboto President, Hoveto Kiba-i sangdong ka nung metetdaktsü.

Party züngsemtemi ozüng alema mapa inyakbaji ni magizüker saka ano NPCC-i asüngdangya mesüi kü tenüng amshiba atema sasa bilemtsür. Ibala inyakyim ajanga party sasep nung khuret bener arutsütsü anungji NPCC president-i ketdangsertem dang ibala mapa meinyaktsü azüokang ta mepishir, ta Hoveto Kiba-isa sangdong nung shia lir.