DCCI, BAN aser EDBA külem senden agi

Dimapur, October 2 (TYO) : Hokolbarnü Dimapur Chamber of Commerce & Industry (DCCI), Business Association of Nagas (BAN) aser East Dimapur Business Association (EDBA) külem senden ka agi.
Iba senden nung adenertemi telemtetba ana bangjemtep aser mezüngbubaji parnoki Naga yimten teloktem dang mepishiba lir, ta tanü DCCI, BAN aser EDBA külem sangdong ka nung ashi.
Dimapur nung aser tanga district tem nung shishilembartem dang shop registration fee, trade license fee, yearly taxation, sen meshia züluba shidi nunger amala agüja teti meinpronger aser item inyakyim ajanga shishilembartem timtem tulu ajurur. Iba asoshi külem senden nung Naga yimten teloktem dang khuret angateta shishilembartem pei tepok mesütsü atema tiptema shishilembadakjang ta mepishitsü lemtet.
Anosa, district administrations, police aser state sorkari Nagaland nung aser talisa Dimapur nung ozüng alema mapa inyakba azüoktsü atema mapa inyakang ta temepishiba agütsütsü bangjemtep, ta DCCI, BAN aser EDBA sangdong nungsa shia lir.