DCCI-i Dimapur Police nem tenüngsang agütsür

Dimapur, August 10 (TYO) : August 2 nü Dimapur nung Ashish Saha khasetertem aser iba mapa nung teyaritepertem apuba atema Dimapur Police nem tenüngsang agütsür, ta Dimapur Chamber of Commerce & Industry (DCCI)-i metetdaktsü.
Iba inyakyim ajanga police-i ozüng anema inyakertem pur temerenshi agütsüteter ta kuli sayur. Ajisüaka, iba ya tatem masü kechiyong tang nungi ang ochi obendang agütsüba mapa tetenzüker asütsü, ta DCCI Tir, Hokivi Chishi-i sangdong nung shia lir.
Police-i aibelenertem anema kuli tejangja magütsüba ajanga parnok temerenshi melii dang chioktsüsa akümer. Anungji ozüng anema inyakertem aitsütsü atema police-i kuli tejangja agütsütsüla aser ibaji asünung dang parnok okadak nungi ochi obendang angutsü, ta DCCI tir-isa sangdong nung metetdaktsü.