DCCI-i Rotary Club nem tenüngsang agütsür

Dimapur, April 3 (TYO) : Dimapur nung angati medical camp ayongzükba atema Dimapur Chamber of Commerce & Industry (DCCI)-i Rotary Club nem tenüngsang agütsü.
RAHAT mission kübok Rotary Club-i Dimapur aser meketa aliba district tem atema dang masü saka kidangsüa aliba state tem nung alirtem asoshi mapa tajung inyaker, ta DCCI tir, Hokivi Chishi-i sangdong ka nung metetdaktsü.
Northeast nung RAHAT Mission ya tang mezüngbuba atema Dimapur nung ayongzüka agir ta angazüker aser iba asoshi DCCI-i District Governor, Chandu Agarwal nem tenüngsang agütsür, ta Hokivi Chishi-isa sangdong nung shia lir.