DCs, VCs dang SHS atema metetdaktsür

Kohima, Sept. 20 (TYO): Nagaland Angh atema Principal Secretary, Piyush Goyal, IAS-i shidi ajanga state kübok district 11 prongla nung Deputy Commissioner tem, Nagaland University nung Vice Chancellor tem, St. Joseph University, Global Open University aser ICFAI University dang India Tiri Swachhta Hi Sewa (SHS) campaign tenzüktsüba indang metetdaktsüogo.
Iba dak sendakba nung Principal Secretary-i, Nagaland Angh, PB Acharya-i parnok nem peipei tesem nung SHS campaign lenia kadaktsüner aser iba osangji noksa dena yokdaktsüner, ta metetdaktsü.
Tamalena Angh-i shidi ajanga Chief Minister aser MP ana densema Nagaland Legislative Assembly züngsem 60 prongla dang SHS campaign nung shilem agia state/constituencies ajak nung sentong ayonga agiba sülen iba osang den noksa agüjang, ta metetdakja liasü.
Linük nung merükmeju osang sangdonga SHS campaign ya October 2, 2017 anogo tashi agitsü.